"თითოეულმა ჩვენმა პარტნიორმა, მეგობარმა და მოქალაქემ მშვენივრად იცის, რომ "რუსთავი 2"-ს არანაირი შეზღუდვა არ ექნება და არ ჰქონია არასდროს. კარგი იქნება, თუ გაიხსენებენ ამ ტელევიზიის სარედაქციო პოლიტიკის დამგეგმავი პარტიის, "ნაციონალური მოძრაობის ქმედებებს სხვა ტელევიზიებთნ მიმართებაში" - განაცხადა ვიცე-პრემიერმა, ენერგეტიკის მინისტრმა კახა კალაძემ თავის ვიდეომიმართვაში, რომელიც "ფეისბუქით" გავრცელდა.
"ჩვენ ძალიან კარგად გვახსოვს "ნაციონალებმა" რა იკადრეს დაწყებული ტელეკომპანების დახურვით, დარბევით დამთავრებული და ახლა როგორ დავიჯერო, რომ მედიის მაშინდელ ტერორზე მეტად ამჟამად ორ პირს შორის სასამართლო დავის შედეგი არის აღმაშფოთებელი თუ შემაშფოთებელი ვინმესთვის?
ვინც ჩვენ ამას გვეუბნება და გვიკიჟინებს, ჩვენი შინაური ჟურნალისტები და ოპოზიცია მაქვს მხედველობაში, დავიჯერო კოლექტიურად დაექვემდებარეთ "ნაციონალური მოძრაობის" პროპაგანდისტულ გიპნოზს და დაიჯერეთ, რომ სიტყვის თავისუფლებას საფრთხე ექმუქრება?! ვისგან?! რისგან?!ერთმა ნაციონალების დროს მფლობელმა მეორე ნაციონალების დროს მფლობელს რომ ტელევიზია სასამართლოს ძალით რომ დააბრუნებინა, ეგ გახდა თქვენი თავისუფლესბი პრობლემა? კიდევ ერთხელ გააცნობიერეთ მეგობრებო, რომ დავაში მოგებული მხარე არის ის პიროვნება, ვისაც თავის დროზე აყიდინა ეს ტელევიზია სააკაშვილმა და მისმა გუნდმა. დავაში მონაწილეობენ დღეს სააკაშვილთან ამჯერად კარგად მყოფი და მეორეს მხრივ მისგან შერისხული, მაგრამ როდესღაც კარგად მყოფი პირები." - განაცხადა კახა კალაძემ.
