პრეზიდენტის ინსტიტუტზე შტურმად მიიჩნევს ფიქრია ჩიხრაძე გიორგი მარგველაშვილის მიმართ ირაკლი კობახიძის განცხადებას. პრეზინდეტის მრჩეველი შექმნილ ვითრებას ტრაგიკომიკურად თვლის.
"თან კომიკურია და თან ტრაგიკული, როდესაც საკონსტიტუციო კომისია გადაიქცა სადამსჯელო იარაღად მათთვის არასასურველი და მათ გემოვნებაში არ ჩამჯდარი პრეზიდენტის მიმართ. სხვადასხვა ეტაპზე ჩვენ გვინახავს ასეთი თავდასხმების ტალღები. არც მომავალში გამოვრიცხავთ ამგვარი შეტევების ალბათობას, მაგრამ ერთი რამ ვიცით ცხადად, რომ ის ღირებულებითი ხაზი, რაც არჩეული აქვს საქართველოს პრეზიდენტს, ამ ინსტიტუციის დაცვისა და გაძლიერებისთვის, საქართველოში დემოკრატიული ინსტიტუტების დაცვისა და გაძლიერებისთვის, ეს იქნება შეუქცევადი,“ - აცხადებს ფიქრია ჩიხრაძე.
საკონსტიტუციო კომისიის შაბათის სხდომაზე პარლამენტის თავმჯდომარემ ქვეყნის პრეზიდენტს არაკორექტული განცხადებებისგან თავის შეკავებისკენ მოუწოდა, წინააღმდეგ შემთხვევაში კი განაცხადა, რომ გადაიხედება ვადები, რათა პრეზიდენტის პარლამენტის მიერ არჩევა, 2023-ის ნაცვლად, უკვე 2018 წელსვე მოხდეს.
