ახალ ეტაპზე გადავედით, როდესაც ბიძინა ივანიშვილი არაფერს აღარ ფუთავს, - განაცხადა ,,ევროპული საქართველოს“ წევრმა ელენე ხოშტარიამ ,,რუსტავი 2“ -ის ირგვლივ განვითარებული მოვლენების შეფასებისას.
,,ხალვაშის პირველივე განცხადებებიდან უკვე ჩანს როგორ უტიფრად აგრძელებს ხელისუფლება დაწყებულ ხაზს. ახალ ეტაპზე გადავედით, როდესაც ბიძინა ივანიშვილი არაფერს აღარ ფუთავს. ხალვაშმა რომელიც არის მარიონეტი, მას ალაპარაკებენ რაც უნდათ, თქვა, რომ ეს არის პოლიტიკური სკითხი, აქ არაფერ ეკონომიკურ და ქონებრივ საკითხზე არ არის. ხელისუფლება პირდაპირ არის იმის გაცხადებაზე, რომ დიახაც ისინი ახშობენ თავისუფალ მედიას, დიახაც ისინი ახშობენ კრიტიკულ მედიას და ისინი აპირებენ ძალაუფლების მაქსიმალურ კონსოლიდაციას. აქ რა თქმა უნდა ძალიან მნიშვნელოვანია საზოგადოებრივი რეაქცია, იმიტომ, რომ ეს არ არის ცალკე აღებული ჟურნალისტების, ტელეკომპანიის ან პოლიტიკური პარტიების შეზღუდვა, არამედ ეს არის აზრის შეზღუდვა, ხმის მიწოდების შეზღუდვა ადამიანებისთვის,“- განაცხადა ხოშტარიამ.
„რუსთავი 2“-ის მხარდამჭერების ნაწილმა ღამე ტელეკომპანიის ეზოში გაატარა, სადაც კარვები გაშალეს. ტელეკომპანიის მხარდამჭერებმა შეკრება უზენაესი სასამართლოს განაჩენის გამოქვეყნების შემდეგ დაიწყეს, რომლითაც 9 მოსამართლისგან შემდგარმა დიდმა პალატამ „რუსთავი 2“ ქიბარ ხალვაშს მიაკუთვნა.
