„ეს პროცესი დაიწყო მაშინ, როდესაც ვიყავი უმრავლესობის წევრი. შიგნიდან ვიცი, რომ ეს პოლიტიკური პროცესია და ხელისუფლება წარმართავს პროცესს,“ - ეს განცხადება თავისუფალი დემოკრატების წევრმა, ნინო გოგუაძემ რუსთავი 2-ის საქმეზე უზენაეს სასამართლოსთან გააკეთა, სადაც სამაუწყებლო კომპანიის მხარდამჭერი აქცია მიმდინარეობს.
ნინო გოგუაძის თქმით, რუსთავი 2-ის საქმე პოლიტიკურად მოტივირებულია. მისი თქმით, სამაუწყებლო კომპანია კრიტიკული მედიაა, რომლის არსებობა დემოკრატიული საზოგადოებისთვის აუცილებელია.
გოგუაძის თქმით, მიმდინარეობს ხელისუფლების ბრძოლა მისგან დამოუკიდებელი მედიის წინააღმდეგ.
„უზენაესი სასამართლოს მოსამართლეებზე გადის როგორი სასამართლო გვექნება, ეს იქნება დემოკრატიული, სამართლიანი სასამართლო თუ იქნება ჯიბის სასამართლო,“ - აღნიშნა გოგუაძემ.
