არავის აქვს უფლება, პატიმარს რელიგიური ზიარების უფლება შეუზღუდოს, - ამის შესახებ საპატრიარქოს უნივერსიტეტის სამეთვალყურეო საბჭოს თავმჯდომარე გიორგი ანდრიაძემ ე.წ. მატროსოვის ციხესთან განაცხადა.
“არავის არ აქვს უფლება, მათ შორის, ადამიანის უფლებათა საერთაშორისო დეკლარაციის მიხედვით, რომ ნებისმიერ პატიმარს და არამარტო მამა გიორგი მამალაძეს შეუზღუდოს რელიგიური მოთხოვნილებების ფუნდამენტალური უფლებების დაკმაყოფილება. განსაკუთრებით ისეთი ფუნდამენტალური მოთხოვნილებების დაკმაყოფილება, როგორიცაა ზიარება. ეს დაახლოებით იგივე, რომ ასთმიან ადამიანს არ მისცე წამალი. მე ვერაფერს საშიშროებას ვხედავ იმაში, რომ ამით რაიმე სახის ზიანი მიადგეს“, - განაცხადა გიორგი ანდრიაძემ.
დეკანოზ გიორგი მამალაძის დაკითხვა მისი ჯანმრთელობის მდგომარეობის გაუარესების გამო, რამდენიმეჯერ გადაიდო. ბრალდებული დეკანოზი ერთ კვირაზე მეტია ზიარების უფლებას ითხოვს.
