პოლიტოლოგი გია ხუხაშვილი მიიჩნევს, რომ არჩევნების შედეგების გათვალისწინებით, დღეს ბოკერია არის დემოკრატიული პროცესის გარანტი საქართველოში.
,,დღევანდელი გადმოსახედიდან რა მივიღეთ - რა არის აბსოლუტური ძალაუფლების ბოროტად გამოყენების პრევენციის ელემენტები? ეს არის პოლიტიკური ელემენტები, პოლიტიკური ოპოზიცია და ფაქტობრივად, მივიღეთ, რომ დღეს ბოკერია არის დემოკრატიული პროცესის გარანტი საქართველოში. ეს შექმნა ქართულმა ოცნებამ, რომ დღეს ერთადერთი პოლიტიკურად უზრუნველყოფილი ძალა, რომ ძალაუფლების ბოროტად გამოყენება არ მოხდეს აბსოლუტური ინსტრუმენტების გამო, გამოდის ნაციონალური მოძრაობა. მეორე ელემენტი ეს არის სამოქალაქო საზოგადოება და იმედი მაქვს, რომ სამოქალაქო საზოგადოება გაიღვიძებს, პირველი არჩევნები იყო, როდესაც სამოქალაქო საზოგადოება პრაქტიკულად არ ჩანდა. მესამე ელემენტი ეს არის მედია. ნაციონალური მოძრაობის მმართველობის დროს ვთვლიდი, რომ ისინი ბოროტად იყენებდნენ ძალაუფლებას და ვებრძოდი იმ რეჟიმს და რუსთავი 2, რომელიც ახდენდა დისტრიბუციას, პროპაგანდისტულ შეფუთვას იმ რეჟიმისას, რომელთანაც მე ბრძოლა მქონდა. დღეს მიწევს იმის თქმა, რომ ნაციონალური მოძრაობა და რუსთავი 2 არიან ერთ-ერთი მთავარი გარანტები იმისა, რომ არ მოხდება ძალაუფლების უზურპაცია კიდევ ერთხელ ამ ქვეყანაში“, - განაცხადა გია ხუხაშვილმა ,,ტაბულას“ ეთერში, გადაცემა არჩევანში.
