არაერთხელ გვითქვამს, რომ ასეთი მეთოდებით ბრძოლა და, ზოგადად, ფარული ჩანაწერების გავრცელება მიუღებელია, - განაცხადა პრეზიდენტის პრესსპიკერმა ეკა მიშველაძემ დღეს გამართულ ბრიფინგზე.
,,ეს არ არის ბრძოლის სამართლიანი მეთოდი. ყველა ფაქტი, რომელიც ეხება ფარული ჩანაწერების გავრცელებას, აუცილებლად უნდა იყოს გამოძიებული. ამას ვიმეორებთ და გავიმეორებთ დღენიადაგ. იმედი გვაქვს, რომ ყველა ეს ფაქტი იქნება გამოძიებული. მედიაზე შეტევასთან დაკავშირებითაც იცით ჩვენი მოსაზრება. საქართველოში ძალიან მნიშვნელოვანია სიტყვისა და გამოხატვის თავისუფლება. ზოგადად, მედიის თავისუფლება ძალიან მნიშვნელოვანია. შესაბამისად, ვფიქრობთ, რომ ეს უპირველეს ყოვლისა უნდა იყოს დაცული“, - აღნიშნა მიშველაძემ.