საქართველოს ყოფილი პრეზიდენტი, ოდესის ოლქის გუბერნატორი მიხეილ სააკაშვილი აცხადებს, რომ ეგზიტპოლები „ნაციონალური მოძრაობის“ მთავარი იარაღია. „ფეისბუქში“, პირდაპირი ჩართვისას მან განაცხადა, რომ 2012 წელს ტელეკომპანია „რუსთავი 2“-ს არჩევნების შედეგები ერთპროცენტიანი ცდომილებით ჰქონდა.
„ახლა აბსულუტურად ზუსტად ვიცი, 8-ში გვაქვს მოგებული. ივანიშვილმაც იცის, რომ მოგებული გვაქვს. როგორც კი მოვიგებთ, დავიცავთ ამ მოგებას. ხშირად ხდება, რომ გამოკითხვების დროს ვინც ოპოზიციურ პარტიას მისცა ხმა, თავის არჩევანს არ ამხელს, მაგრამ ახლა უნდა ვთქვათ, რადგან ჩვენთვის მთავარი იარაღი სწორედ ეგზიტპოლია“, - განაცხადა მიხეილ სააკაშვილმა.