,,რუსთავი 2“ -ის გენერალური დირექტორი ნიკა გვარამია დღეს გავრცელებულ აუდიოჩანაწერს ეხმაურება და აცხადებს, რომ ამჯერად საქმე კიბერდანაშაულთან გვაქვს. მისი თქმით, ეს ჩანაწერია გაკეთებულია მის მიერ, არა ტელეფონით, ეს არის გადაღებული მის მიერ ფარულად.
"ეს მოვლენები დაახლოებით ერთი წლის წინ ხდებოდა, როცა ჩვენი საქმის პიკი იყო, ჩემს კოლეგებს ამასთან დაკავშირებით ვესაუბრე. მივიღე რჩევა, რომ შესაბამისი ტექნიკით ვყოფილიყავი აღჭურვილი. ყველაზე პრობლემატურია, როგორ მოხდა ჩემ მიერ გაკეთებული ფარული ჩანაწერი ქსელში, ეს ჩანაწერი მაშინვე განადგურდა, იყო ჩემს კომპიუტერში დაცული, ის კომპიუტერი საერთოდ აღარ მაქვს, საქმე გვაქვს ახალ დანაშულთან, ეს არის კიბერდანაშაული, ყველას გვაქვს ეს ჩანაწერი მოსმენილი, კიდევ რამდენიმე წუთი გრძელდება ეს ჩანაწერი.
"ჩვენთვის პრობლემატურია ჩვენი შიდა ამბების გატანა გარეთ, ორი ვარიანტია, ან შეღწევა ხდება გარედან, ან შიგნით ჰყავს წარმომადგენელი სახელმწიფო უსაფრთხოების სამსახურს, რომელსაც შიგნიდან გააქვს უკანონოდ მოპოვებული მასალები,"- განაცხადა გვარამიამ.
ნიკ გვარამიას თქმით, ამით რუსთავი 2-ის დაზარალება შეუძლებელია.
