„ქართული ოცნება - დემოკრატიული საქართველოს“ წევრი ნუკრი ქანთარია საქალაქო სასამართლოს ყოფილ თავმჯდომარეს მამუკა ახვლედიანსა და ტელეკომპანია „რუსთავი 2“-ის გენერალურ დირექტორს შორის სავარაუდო საუბრის აუდიოჩანაწერის გავრცელების საკითხს ეხმაურება და აცხადებს, რომ ნიკა გვარამიას აქვს ოდესასთან შეთანხმებული გეგმა და მას უნდა უსმენდნენ. თუმცა, მისი თქმით, აღნიშნულ ჩანაწერებს გვარამია ტავად ავრცელებს.
,,მე მაინც მგონია, რომ ეს მისი გავრცელებულია. არაფერი ისეთი იქ, გარდა უზენაესი სასამართლოს თავმჯდომარის შეურაცხყოფისა, არ არის. ასეთ საუბრებს შეიძლება კიდევ ჰქონდეს ადგილი. ჩვენ შეგვიძლია ვივარაუდოთ და ვთქვათ, რომ გვარამიას აწყობს, დროდადრო რაღაც ჩანაწერი გამოვიდეს, იყოს წინა პლანზე. ალბათ, მას აქვს თავისი გეგმა, შეთანხმებული ოდესასთან თუ სხვასთან და არც მალავს, რომ უნდა, რაც შეიძლება მეტი მავნებლობა მოუტანოს ხელისუფლებას. არ არის გამორიცხული კი არა, აუცილებელია, რომ ასეთ ხალხს უსმენდნენ, მაგრამ ეს არ ნიშნავს იმას, რომ უნდა გამოქვეყნდეს ეს ჩანაწერები ან ეს ჩანაწერი თვითონ რისი დამადასტურებელი და რისი მაქნისია?! - არაფრის. სუს-ში ასეთი მოკლე ჭკუის ხალხი არ ზის, რომ ასეთი ჩანაწერები შეაგროვოს და მითუმეტეს, გამოაქვეყნოს. ეს ისევ გვარამიას ინიციატივაა“, - განაცხადა ქანთარიამ.
