საკრებულოს დამოუკიდებელი დეპუტატი ალეკო ელისაშვილი თბილისში ახალი ავტობუსების შემოსვლას სოციალურ ქსელში ეხმიანება და წერს, რომ ახალი ავტობუსები დედაქალაქისთვის მისწრებაა. თუმცა, იქვე აღნიშნავს, რომ 143 ავტობუსი ქალაქის საჭიროების მეოთხედია.
“ესეც მაგარი ამბავია, უკვე განუბაჟებიათ თბილისისთვის განკუთვნილი ავტობუსები. მართალია ჯერ სულ ათი ცალია, მაგრამ მაინც საქმეა. ჯამში 143 ცალი უნდა შემოვიდეს ერთი წლის მანძილზე რაც ქალაქის საჭიროების მეოთხედია (ამ დროისათვის 512 ავტობუსი დადის ყოველ დღე) თბილისში. მაგრამ ნებისმიერ შემთხვევაში ეს კალმით ნახატი ავტობუსები მისწრება იქნება ქალაქისთვის. ორი წლის წინ შეიძლებოდა მათი შემოყვანა, მაგრამ ახლა კრიტიკას არ მოვყვები – ახლა უბრალოდ ყველა თბილისელს გილოცავთ და მერიას შევაქებ ამ კვირაში უკვე მეორედ. ეს ერთი და კიდევ 400 ასეთი თბილისს !!! მე უპირატესობას ტრამვაის ვანიჭებ მარა მაინც :))))))”,- წერს ალეკო ელისაშვილი.
