ნუ გაგიკვირდებათ, წინასაარჩევნოდ "ტვინები ცხელდება" და ძალიან ბევრ საინტერესო განცხადებას მოისმენთ, - განაცხადა რეგიონული განვითარებისა და ინფრასტრუქტურის მინისტრმა ნოდარ ჯავახიშვილმა პაატა ბურჭულაძის საპასუხოდ, რომელის თანახმადაც, საქართველოს ხელისუფლება რუსეთის უშიშროებასთან ერთად მოქმედებს.
„მე არასოდეს არ მქონია, საბჭოთა კავშირში ვიცხოვრე ნახევარი ჩემი ცხოვრება და მაშინაც კი არ მქონია საბჭოთა კავშირის სპეცსამსახურებთან ოდნავი შეხებაც კი. ახლა შეიძლება ვინმემ დამაბრალოს ეს?" - აცხადებს ნოდარ ჯავახიშვილი.
რაც შეეხება მმართველი გუნდის განცხადებებს, რომ სატელეფონო საუბრის გამოქვეყნება ნიკა გვარამიასა და „ნაციონალური მოძრაობის“ ინტერესებს ემსახურებოდა, ნოდარ ჯავახიშვილი ფიქრობს, რომ ამ მხრივ მმართველი გუნდის მხრიდან კორექტული განცხადება გაკეთდა.
„ვფიქრობ, რომ ძალიან კორექტული განცხადება გაკეთდა და მეც ვეთანხმები, რომ ეს არის რასაკვირველია „ნაციონალური მოძრაობის „ინტერესებში" - განაცხადა - ნოდარ ჯავახიშვილმა.
