,,ნაციონალური მოძრაობის“ წევრი სერგი კაპანაძე ეხმაურება თამარ ჩუგოშვილის მიერ დღეს გაკეთებულ განცხადებას იმის შესახებ, რომ „ნაციონალური მოძრაობა“ წინასაარჩევნოდ შესაძლოა, გარკვეულ არეულობას გეგმავდეს. კაპანაძის შეფასებით, ხელისუფლება ცდილობს ყურადღება გადაიტანოს მოგონილ საფრთხეზე.
„ძირითადი თემებისგან, რომელიც მოსახლეობას აწუხებს, ყურადღება რომ გადაიტანოს, მოგონილ საფრთხეზე საუბრობს. ამ დროს, ეს არის ხელისუფლება, რომელმაც კორცხელი მოაწყო, არცერთი დანაშულის ფაქტი არ გამოუძიებია, ეს არის აგონიაში მყოფი ხელისუფლება, რომელმაც აღარ იცის რით იმართლოს თავი. გავს იმ ცნობილ ეპიზოდს, როდესაც ბატონი ჭიკაიძე საუბრობდა, რომ საბურავები აღმოაჩინეს და ენმ საბურავების გადატრიალებას აწყობდა, დაახლოებით იგივე სიბრტყეში არიან დღეს,“- განაცხადა სერგი კაპანაძემ.
