ვიცე პრემიერ კახი კალაძის ინფორმაციით, დაარსებულია, ,,რაღაც ორგანიზაცია” რომლითაც აპირებენ გარკვეული არეულობების შემოტანას საარჩევნო პერიოდში. კალაძე ,,ქართული ოცნების“ მაჟორიტარი დეპუტატობის კანდიდატი თამარ ჩუგოშვილის მიერ ,,ნაციონალური მოძრაობის“ მხრიდან მოსალოდნელ პროვოკაციაზე დღეს გაკეთებულ განცხადებას გამოეხმაურა.
მისი თქმით, საარჩევნო კამპანია მშვიდ გარემოში მიმდინარეობს. ყველა პოლიტიკურ პარტიას ეძლევა შესაძლებლობა, რომ აწარმოოს საარჩევნო კამპანია, შეხვედრები მოსახლეობასთან, გააცნონ თავიანთი, ხედვა, განვითარების გეგმა. მისი თქმით, მმართველ გუნდს აქვს პრეტენზია, რომ არჩევნები ჩატარდეს მაღალ დონეზე. თუმცა მისივე განცხადებით, ამის ერთადერთი ხელის შემშლელი ძალა ნაციონალური მოძრაობაა.
,,ერთადერთი ძალა, ვისაც აქვს სურვილი, რომ ეს არჩევნები ცუდ ფორმატში გადაიყვანოს, ხელის შეშლები იყოს და ა.შ. ეს არის ნაციონალური მოძრაობა და ეს განცხადება, რომელიც ქალბატონმა თამარ ჩუგოშვილმა გააკეთა ზუსტად ემსახურებოდა ამას.
აქ იყო საუბარი იმ საშიშროებებზე, რომელიც შეიძლება იქნეს განხორციელებული. დაარსებულია, თუ არ ვცდები, რაღაც ორგანიზაცია, რომლითაც აპირებენ გარკვეული არეულობების შემოტანას. ამის მაგალითები არის უკვე თუნდაც აჭარაში, ხელის შეშლა საარჩევნო კამპანიის დროს, მივარდნები და ა.შ," - აცხადებს კახა კალაძე.
