ყოფილი პრემიერ-მინისტრის ბიძინა ივანიშვილის შეფასებით, ,,რესპუბლიკურ პარტიას“ არ აქვს რესურსი სახელმწიფოზე იფიქროს და მათთვის ქვეყანა იწყება და მთავრდება იქ, სადაც მათი პარტია.
,,ეს ის პარტიაა, რომელსაც საზოგადოებაც კარგად აფასებს. ძველი პარტიაა, თანმიმდევრულობით გამოირჩევა, იცავენ ელემენტარულ წესებს, რაც პარტიას სჭირდება, ძალიან უყვართ პროცედურული დემოკრატია და ა. შ.. სხვა დანარჩენი - ძალიან დაბალი რეიტინგი აქვთ, 1 %-იც არ ეკითხება. ,,რესპუბლიკური პარტიისთვის“ სახელმწიფო იწყება იქ, სადაც იწყება ეს პარტია და სრულდება იქ, სადაც სრულდება პარტია. მათთვის ილია ჭავჭავაძე არცთუ კარგი კაცია, და ვიღაც დამპყრობელი არც თუ ისე ცუდი კაცი. განათლებით დამძიმებული თავებით, ასეთ შეფასებებს აკეთებენ. მათ არ აქვთ რესურსი სახელმწიფოზე იფიქრონ. ისინი 1 ჯგუფის იდეალებში ხოტბას ასხამენ საკუთარ პარტიას. 5 წუთში პარტიის დახასიათება ძალიან ძნელია“ - განაცხადა ივანიშვილმა.