საკრებულოს თავმჯდომარე გიორგი ალიბეგაშვილი თბილისის მერიის ეკოლოგიისა და გამწვანების საქალაქო სამსახურის რეორგანიზაციის დეტალებზე საუბრობს და აცხადებს, რომ სამსახურს სახელწოდებაც შეეცვლება. მისი ინფორმაციით, რეორგანიზაციის შემდეგ მერიის აღნიშნულ სამსახურს გარემოს დაცვისა და მწვანე ინფრასტრუქტურის განვითარების სამსახური დაერქმევა.
რაც შეეხება პროცესებში არასამთავრობო ორგანიზაციების ჩართვას, ალიბეგაშვილის თქმით, რეორგანიზაციის შემდეგ სამსახურში შესაბამის მიმართულებებზე სამი განყოფილება შეიქმნება,
„თბილისის მერმა დავით ნარმანიამ საკრებულოში გამოსვლის დროს მოუწოდა არასამთავრობო ორგანიზაციებს, ყველა დაინტერესებულ მხარეს კონსტრუქციული აქტივობისკენ, რათა ჩაერთონ აღნიშნული სამსახურის რეორგანიზაციის პროცესში. მერიაში ამ მიზნით რაიმე განსაკუთრებული სამუშაო ჯგუფი არ შექმნილა. ვფიქრობ, რომ ყველას აქვს უფლება, არა მხოლოდ არასამთავრობო ორგანიზაციებს, არამედ კერძო პირებსაც, რომლებიც დაინტერესებას გამოხატავენ, ერთად ვიზრუნოთ დედაქალაქის ეკოლოგიაზე“, - განაცხადა გიორგი ალიბეგაშვილმა.
