გენერალურმა აუდიტორმა ლაშა თორდიამ განაცხადა, რომ
სახელმწიფო აუდიტის სამსახური ,, ნაციონალური მოძრაობის“ აჭარის ოფისის ხელმძღვანელის, ლევან ვარშალომიძის მიერ ხელშეკრულების გაფორმების საკითხს არ განიხილავს, ვინაიდან ეს აუდიტის სამსახურის კომპეტენციას აღემატება,
მისი თქმით, საკითხი შესწავლილ იქნა და მოძიებული იქნა დოკუმენტაცია.
”მიგვაჩნია, რომ ხსენებული შემთხვევა არ განეკუთვნება აუდიტის სამსახურის კომპეტენციას, რადგანაც „მოქალაქეთა პოლიტიკური გაერთიანებების შესახებ“ საქართველოს ორგანული კანონის თანახმად, აუდიტის სამსახურის უფლებამოსილება შეზღუდულია, თუ ნივთის, ან მომსახურების ღირებულება აჭარბებს 100 ლარს, აღნიშნულ შემთხვევაში კი სადავო არის ბინების უსასყიდლოდ გადაცემის დაპირება, რომელიც სცილდება აუდიტის სამსახურის კომპეტენციას. ჩვენ ვასრულებთ საკითხის შესწავლას”, - განაცხადა ლაშა თორდიამ.