ახალგაზრდა იურისტთა ასოციაცია აჭარის უმაღლეს საარჩევნო კომისიას ბათუმის საქალაქო სასამართლოში უჩივის. მიზეზი საია-ს საჩივარია, რომლის განხილვაზეც უსკო-მ უარი თქვა.
საუბარია 31 ივლისს ერთიანი ნაციონალური მოძრაობის მაჟორიტარი დეპუტატობის კანდიდატების წარდგენის დროს ექსპრეზიდენტ მიხეილ სააკაშვილის ვიდეომიმართვაზე. არასამთავრობო ორგანიზაციების შეფასებით, ადგილი ჰქონდა წინასაარჩევნო აგიტაციაში უცხო ქვეყნის მოქალაქის მონაწილეობას, რაც კანონით იკრძალება.
საია-ს საჩივარი არ დააკმაყოფილა ბათუმის საოლქო საარჩევნო კომისიამ, რის შემდეგაც ორგანიზაციამ უსკო-ს მიმართა, თუმცა უსკო-მ განხილვაზე უარი განაცხადა.
