გაერთიანებული ოპოზიციის სამგორის რაიონის მაჟორიტარი დეპუტატობის კანდიდატი ბეჟან გუნავა სამართალდამცველებმა დააკავეს.
გუნავა სამგორის რაიონის მოსახლეობასთან ერთად ეკონომიკის სამინისტროსთან აქციას მართავდა. სამართალდამცველებმა ბეჟან გუნავა მას შემდეგ დააკავეს, რაც აქციის მონაწილეებმა შენობის შესასვლელის პიკეტირება გადაწყვიტეს.
აქციის მონაწილეები მუხაძისა და ჭიჭინაძის ქუჩაზე არსებული საცხოვრებელი ფართების დაკანონებას ითხოვდნენ.
ამ დროისთვის პარტიის ლიდერები მთაწმინდა-კრწანისის რაიონულ პოლიციასთან იკრიბებიან, სადაც გუნავაა გადაყვანილი.
შს სამინისტროს განცხადებით, ბეჟან გუნავა სამართალდამცველებმა „ადმინისტრაციულ სამართალდარღვევათა“ კოდექსის 173-ე მუხლით დააკავეს, რაც პოლიციისთვის წინააღმდეგობის გაწევას გულისხმობს.
