საკონსტიტუციო სასამართლოს მოსამართლე ოთარ სიჭინავა აცხადებს, რომ პლენუმი უახლოეს დღეებში შეიკრიბება და განისაზღვრება რას იზამენ მომავალში. დიპლომატიური კორპუსის წარმომადგენლებთან შეხვერის შემდეგ მან ასევე აღნიშნა, რომ საკონსტიტუციო სასამართლო გააგრძლებს მართლმსაჯელების განხორციელებას ”სხვა საქმეებზე”.
”ბათუმში ჩავალთ და შევთანხმდებით, როდის მოხდება საქმეების ჩანიშვნა. ამ საქმეებზე მიუღებლად ჩავთვალეთ დასწრება. სასამართლოს ვერავინ ვერასდროს განუსაზღვრავს დღის წესრიგს. სავარაუდოდ, მე ვფიქრობ, პლენუმი დღეს, ხვალ, ან ამ დღეებში შეიკრიბება და ცხრავე მოსამართლე გადავწყვეტთ თუ რას ვშვრებით. ზოგადად, სასამართლოს ირგვლივ შქმნილი ვითარება არაჯანსაღია, თუმცა ჩვენს გადაწყვეტილებაზე გავლენას ვერავინ მოახდენს. ვერავინ მიგვითითებს რა როგორ გავაკეთოთ, მიუხედავად იმისა თუ ვის რა მოსწონს და ვის რა არ მოსწონს. არც პოლიტიკოსების აზრები გვაინტერესებს და არც მასმედიის დამოკიდებულება”, -განაცხადა სიჭინავამ.
რაც შეეხება პროკუტურის მიერ გაკეთებულ განცხადებას და შუალედურ დასკვნას, რომელშიც ნათქვამია, რომ მოსამართლეებზე ზეწოლა არ დასტურება, სიჭინავამ აღნიშნა, რომ გიორგი პაპუაშვილი ”გამოკითხული არ აირის”.
მოსამართლე ადვოკატების ბრალდებებსაც გამოეხმაურა იმის შესახებ, რომ მოსამართლეების მხრიდან საქმეების განხილვა სპეციალურად ჩაიშალა, ოთარ სიჭინავამ უპასუხა, რომ ადვოკატები მხარეთა წარმომადგენლები არიან, თავიანთი ინტერესები აქვთ და მოსამართლის კომპეტენციაში მათი პასუხი არ შედის.
ცნობისათვის, უგულავა-კაბელების გაერთიანებული სარჩელის განხილვა 12:00 საათზე იყო დანიშნული, თუმცა ამ დროისთვის საკონსტიტუციო სასამართლოში მხოლოდ 2 მოსამართლე მივიდა. 9 მოსამართლიდან სხდომის განახლებისთვის მინიმუმ 6 მოსამართლის მონაწილეობა უნდა დაფიქსირდეს.
