იტალიის პარლამენტის ქვედა პალატის 372 დეპუტატმა მხარი დაუჭირა ერთნაირსქესიანთა ქორწინების კანონპროექტს. წინააღმდეგ ხმა მისცა 51-მა , 99 კანონმდებელმა კი კენჭისყრაში მონაწილეობისგან თავი შეიკავა.
კენჭისყრის შედეგებს გამოეხმაურა იტალიის პრემიერ-მინისტრი მატეო რენცი, რომელმაც აღნიშნა, რომ ..დღეს საზეიმო დღეა, იტალიამ წინ გადადგა ნაბიჯი”.
იტალიის პარლამენტის ორივე პალატაში მრავალთვიანი დებატების შემდეგ კანონპროექტში მრავალი შესწორება შევიდა. კერძოდ, ერთნაირსქესიან წყვილებს იტალიაში შვილის აყვანის უფლება არ ექნებათ.
ამ დრომდე იტალია დასავლეთ ევროპის ერთადერთი მსხვილი სახელმწიფო იყო, სადაც ერთნაირსქესიანი წყვილების უფლებები იურიდიულად არ იყო ღიარებული.
აღსანიშნავია, რომ გასულ წელს, იტალიაში, საზღვარგარეთ დარეგისტრირებული ერთნაირსქესიანთა ყველა ქორწინება ბათილად გამოცხადდა მას მერე, რაც სახელმწიფო ადმინისტრაციამ ასეთი ქორწინების ლეგალიზაცია გააუქმა.
ჰომოსექსუალების უფლებების დამცველმა ჯგუფებმა ეს კანონი აღშფოთებით მიიღეს და განსაკუთრებით მაშინ, როცა ცნობილი გახდა, რომ მის ფორმირებაში მონაწილეობა მიიღო კათოლიკურმა საზოგადოებამ Opus Dei, რომელთა წევრები მკაცრად მორწმუნეობრივი ცხოვრებით ცხოვრობენ. საგარეო საქმეთა მინისტრის მოადგილემ მაშინ განაცხადა, რომ მიღებული გადაწყვეტილება "ვინმეს გამარჯვება კი არა, ქვეყნისთვის საზიანოა, რადგან ამ გადაწყვეტილებით იტალია უბრუნდება იმ საწყისს ეტაპს ჰომოსექსუალების უფლებებთან მიმართებაში."
რამდენიმე ლიბერალი მერი კანონის წინააღმდეგ მიდიოდა და საზღვარგარეთ გაფორმებულ ერთსქესიანთა კავშირს ქვეყანაში არეგისტრირებდა.
