გუშინ, ღამით, დაუდგენელმა პირებმა, ყვარელში „ალიანსი საქართველოსთვის" საარჩევნო შტაბის კუთვნილი ნივთები გაანადგურეს.
როგორც "ჯი-ეიჩ-ენს" კახეთის საინფორმაციო ცენტრიდან აცნობეს, შტაბის ხელმძღვანელის ნუგზარ ღონიაშვილის განცხადებით, ჩამოჭრილია საარჩევნო ბანერი და დახეულია პლაკატები.
„კიბეს თუ არ გამოიყენებდნენ, ისე ბანერს ვერც ჩამოჭრიდნენ. შტაბის ოფისი ყვარლის ცენტრში მდებარეობს, ქუჩა განათებულია, ხალხი ცხოვრობს. შეუძლებელია, ისე ჩამოეჭრათ, რომ ვერავის დაენახა. ეს არის ხელშეშლა წინასაარჩევნო კამპანიაში", - აღნიშნა ღონიაშვილმა.
მომხდართან დაკავშირებით ყვარლის პოლიციაში გამოძიება დაწყებული არ არის.
