თბილისის მერმა, დავით ნარმანიამ თბილისი მთავრობის სხდომაზე კეთილმოწყობის სამსახურს, სამუშაოების დროულად და ხარისხიანად შესრულებასთან დაკავშირებით, მკაცრი კონტროლი დაავალა.
კიდევ ერთი მნიშვნელოვანი თემა, რაზეც დედაქალაქის მერმა ისაუბრა, გზების კაპიტალური შეკეთება იყო.
დავით ნარმანიას განცხადებით, პროცესი უკვე დაწყებულია და 6 მლნ-ანი ხელშეკრულების ფარგლებში, სამუშაოების მწარმოებელი კომპანია პირველ ეტაპზე კაპიტალურად გააკეთებს სამებისა და მახათას ეკლესიების დამაკავშირებელ გზას, ასევე, განახორციელებს წავკისში 1კმ-მდე სიგრძის გზის (რომელიც თბილისი-კოჯრის საავტომობილო გზის ერთ-ერთი მონაკვეთია), დიდუბის რაიონში აგლაძის ქუჩისა და კრწანისის რაიონში მდებარე ღოღობერიძის ქუჩის კაპიტალურ შეკეთებას. წლის ბოლომდე კი დედაქალაქის მასშტაბით სამუშაოები სხვა ქუჩებზეც განხორციელდება.
