"ალიანსი საქართველოსთვის" ლიდერი და თბილისის მერობის კანდიდატი ირაკლი ალასანია დასავლეთ საქართველოში გაემგზავრა.
როგორც "ჯი-ეიჩ-ენს" "ალიანსის" პრესსამსახურში განუცხადეს, ირაკლი ალასანია ორი დღის განმავლობაში გურიას, აჭარას, სამეგრელოს და შიდა ქართლს ესტუმრება.
"ირაკლი ალასანია დღეს დილით ოზურგეთში გამართავს შეხვედრებს, საიდანაც აჭარაში გაემგზავრება და ბათუმელ ამომრჩევლებს შეხვდება. ხვალ, 19 მაისს კი, სამეგრელოში გადაინაცვლებს და "ალიანსის" საარჩევნო პროგრამას ჯერ ზუგდიდელებს, შემდეგ კი სენაკის მაცხოვრებლებს გააცნობს. დღის მეორე ნახევარში ჩვენი მერობის კანდიდატი შეხვედრებს შიდა ქართლში - ხაშურში, ქარელსა და გორში გამართავს", - განმარტავენ ალასანიას პარტიის პრესსამსახურში.
"ალიანსის" თბილისის მერობის კანდიდატი თბილისში ხვალვე დაბრუნდება.
