რუსეთის ფედერალური უსაფრთხოების სამსახურის ხელმძღვანელი ალექსანდრე ბორტნიკოვი აცხადებს, რომ მოსკოვის მეტროში ტერაქტების შემკვეთები და შემსრულებლები უკვე ცნობილია. განცხადება ამის შესახებ ბორტნიკოვმა დღეს პრეზიდენტ მედვედევთან გამართულ თათბირზე გააკეთა. მისი თქმით, სამმა მათგანმა დაკავებისას სამართალდამცავებს წინააღმდეგობა გაუწია და ამის გამო მათი ლიკვიდირება მოხდა.
"სამწუხაროდ, ბანდჯგუფის სამი წევრის ცოცხლად აყვანა ვერ შევძელით. მათ შეიარაღებული წინააღმდეგობა გაგვიწიეს და ამიტომაც ისინი ლიკვიდირებულ იქნენ", _ განაცხადა ბორტნიკოვმა.
მან აღნიშნა, რომ განადგურებულ ბოევიკთა შორის იყო ადამიანი, რომელიც მოსკოვში ჩამოსულ თვითმკვლელ ქალს ახლდა. დანარჩენებს ამჟამად აქტიურად ეძებენ.
"ჩვენ ყველა მათგანის ვინაობა ვიცით", _ განაცხადა ბორტნიკოვმა.
