ვროკავშირის ანგარიშში საქართველოში, ოპოზიციის ორგანიზებით, გასული წლის გაზაფხულზე გამართული აქციებიც მოხვდა.
"ოპოზიციის ქუჩის აქციებში ხელისუფლება არ ჩარეულა, რაც 2007 წლის ნოემბრის მსგავს მოვლენებთან შედარებით წინ გადადგმული ნაბიჯია", - ნათქვამია ორგანიზაციის ანგარიშში, რომელიც საქართველოს მიერ სამეზობლო პოლიტიკის სამოქმედო გეგმის შესრულებასთან დაკავშირებით გუშინ გამოქვეყნდა.
თუმცა, აღნიშნულის პარალელურად, ანგარიშში ასევე საუბარია ოპოზიციის აქტივისტებზე გახშირებული თავდასხმის ფაქტებზეც, რომელიც ევროკავშირის შეფასებით, "საქართველოს ხელისუფლებამ დეტალურად არ გამოიძია და არც დამნაშავეები გამოუვლენია ან დაუსჯია".
"დემონსტრაციების მსვლელობის დროს დააკავეს [ხელისუფლების] რამოდენიმე პოლიტიკური ოპონენტი, რომლებიც, სავარაუდოდ, პოლიტიკურად მოტივირებული ბრალდებებით გაასამართლეს. ყველა ამ სავარაუდო დანაშაულის და ბრალდების დეტალური გამოძიება იქნება მყარი ინდიკატორი იმისა, როგორ მოხდა სასამართლო სისტემის დამოუკიდებლობის ზრდა", - ნათქვამია ანგარიშში.
