ევროპის სამეზობლო პოლიტიკის ფარგლებში შემუშავებული ევროკავშირი-საქართველოს სამოქმედო გეგმების შესრულების შუალედური ანგარიში გამოქვეყნებულია. ანგარიშის თანახმად 30 მაისის ადგილობრივი არჩევნები იქნება მნიშვნელოვანი ინდიკატორი იმის დასადგენად, თუ როგორ ასრულებს საქართველო საერთაშორისო რეკომენდაციებს.
"არჩევნები ასევე იქნება იმ ცვლილებების გამოცდაც, რომელიც პარლამენტმა 2009 წლის დეკემბერში საარჩევნო კოდექსში შეიტანა", - ნათქვამია ევროკავშირის ანგარიშში.
ამასთანავე, ანგარიშში აღნიშულია, რომ საარჩევნო კოდექსში შეტანილი ცვლილებები სათანადოდ არ ითვალისწინებს საარჩევნო პერიოდის დროს ადმინისტრაციული რესურსების შესაძლო გამოყენების ფაქტებს.
