ძლიერი წვიმის შედეგად წუხელ გორში, გელდიაშვილის ქუჩაზე საცხოვრებელი
კორპუსის სახურავი ჩამონგრა.
ინციდენტის დროს სახლში მცირეწლოვანი ბავშვები იმყოფებოდნენ, თუმცა მათი ევაკუაცია დროულად მოხერხდა. ძლიერმა წვიმამ და სეტყვამ, რომელიც დაახლებით 30 წუთი გაგრძელდა კორპუსის მესამე სართული მთლიანად და მეორე სართული ჭერი ჩამოანგრია.
ადგილზე სამაშველო სამსახური, შიდა ქართლის რწმუნებული და გორის გამგებელი მივიდნენ.
როგორც მხარის რწმუნებულმა ლადო ვარძელაშვილმა განცხადა, სტიქიისგან დაზარალებული სამ ოჯახს გამგეობა აღმოუჩენს დახმარებას და მათი ბინების აღდგენას სახელმწიფო ხარჯებით მოხდება.
"მომხდართან დაკავშირებით შეიქმნება სპეციალური კომისია, რომელიც დღიდან არსებულ ვითარებს შეისწავლის. ამასთან, ყველა ხარჯს, რაც სახლების აღდგენისთვის იქნება საჭირო გამგეობა გაიღებს", - განაცხადა ვარძელაშვილმა.
წვიმა და სეტყვამ გუშინ გორის რაიონის სოფლებიც დააზარალა. სეტყვამ მოსავალის 30% გაანადგურა, ასევე დატბორილია საცხოვრებელი სახლები ეზოებიც.
