ბათუმში, ლუკა ასათიანის ქუჩაზე, XVIII საუკუნით დათარიღებული ნივთები აღმოაჩინეს. ქვევრის ნატეხი ასათიანის #75-ში მცხოვრებმა ნუნუ მამუჭაძემ ეზოში, არხის გაჭრის დროს იპოვა: "მაშინვე არქეოლოგიურ მუზეუმში დავრეკე, მათ კი ქვევრის ამოღებისას იქვე ადამიანის თავის ქალა აღმოაჩინეს."
აღნიშნულ ადგილას არქეოლეგები და ანთროპოლოგები მუშაობენ. "მუშაობა მიმდინარეობს, სავარაუდოდ, მთელ ჩონჩხს ამოვიღებთ, ჯერ ზუსტად არ ვიცით თარიღი და სქესი, ამას ანთროპოლოგები დაადგენენ," - განაცხადა არქეოლოგმა, ნინო ძნელაძემ.
