"საქართველოს რკინიგზის" თანამშრომლებს კომპანია "სტანდარტ დაზღვევა საქართველო" დააზღვევს. რკინიგზის მიერ სამედიცინო დაზღვევის მიზნით გამოცხადებულ ტენდერში სწორედ ამ კომპანიამ გაიმარჯვა.
სულ 15 000 რკინიგზელი და მათი ოჯახის წევრები დაეზღვევიან. სადაზღვევო პაკეტი ოჯახის ექიმის 24-საათიან უფასო მომსახურებას, საწრაფო სამედიცინო და ამბულატორიულ-პოლიკლინიკური (მათ შორის სპეციალიზირებული) მომსახურების 100-პროცენტიან ანაზღაურებას გულისხმობს.
ამასთან, 6 000 ლარის ოდენობით გადაუდებელი სამედიცინო და ჰოსპიტალური მომსახურებაც ფინანსდება. ასევე, სადაზღვევო პოლისი რკინიგზელების უფასო მშობიარობას ითვალისწინებს.
