აშშ-ის ეროვნულ-დემოკრატიული ინსტიტუტის (NDI) დაკვეთით კავკასიის კვლევითი რესურსების ცენტრის მიერ 11-დან 26 აპრილამდე ჩატარებული გამოკითხვის თანახმად, რესპონდენტთა 26% საქართველოს ნატოში გაწევრიანებას სრულად უჭერს მხარს, ხოლო 36% აცხადებს, რომ ისინი ძირითადად უჭერენ მხარს.
რესპონდენტთა 10% აცხადებს, რომ მათთვის ამას მნიშვნელობა არ აქვს; გამოკითხულთა 7%-მა თქვა, რომ ძირითადად არ უჭერს მხარს, ხოლო 9% საქართველოს ნატოში გაწევრიანებას საერთოდ არ უჭერს მხარს. 9%-მა შეკითხვას პასუხი ვერ გასცა.
შეგახსენებთ, რომ 2008 წლის იანვარში საქართველოში ჩატარებული პლებისციტის შედეგებით, ამომრჩეველთა 72,5%-მა დაუჭირა მხარი საქართველოს ნატოში გაწევრიანებას.
