ფრაქცია „ქართული ოცნების“ წევრი ლუკა კურტანიძე უმრავლესობის წევრებს მოუწოდებს „რუსთავი 2“-თან დაკავშირებით, ფრთხილი განცხადებები გააკეთონ.
პარლამენტის დღევანდელ პლენარულ სხდომაზე, კურტანიძემ „რუსთავი 2“-ის გარშემო განვითარებულ მოვლენებზე ისაუბრა და ჟურნალისტების მიმართ პატივისცემა გამოხატა.
მისი თქმით, ხელისუფლების პოლიტიკური და ურყევი ნება დაცულია, რომ მედია თავისუფალი იყოს.
„ჩვენი ურყები ნებაა, რომ ტელე-მედია და ბეჭდვითი პრესა მაქსიმალურად თავისუფალი იყოს. „რუსთავი 2“-ს, „მაესტრო“-სა და „იმედს“ შორის არავითარი განსხვავება არ არის. ეს ტელევიზიები ხელისუფლების მიმართ პრინციპულად კრიტიკულები არიან. როგორც დეპუტატის ურყევ ნებას ვაფიქსირებ, რომ ტელე-მედია თავისუფალი უნდა იყოს, როგორც ეს დანარჩენ ცივილიზებულ ქვეყნებშია. 2012 წელს, ჩვენ სფეროები გვებარა, რომელმაც გამარჯვება მოგვიტანა. უმრავლესობის თითოეულ მათგანს მივმართავ, როცა განცხადებებს ვაკეთებთ, ფრთხილები ვიყოთ, რათა 2012 წელს მოპოვებული ღირებულება - თავისუფალი მედია დავიცვათ“ , - განაცხადა კურტანიძემ.
