თურქული გაზეთის "შაბაჰ"-ის ცნობით, თურქეთმა რუსეთთან გაზის კონტრაქტის გადახედვას მიაღწია. თურქული მხარე, რუსეთიდან გაზის 10 პროცენტს ფასდაკლებით მიიღებს. მემორანდუმს, რომელშიც ანკარისთვის გაზის ფასის ფორმულის ცვლილება დაფიქსირდება, მხარეები ხელს 11 მაისს, თურქეთში რუსეთის პრეზიდენტის დიმიტრი მედვედევის ვიზიტის ფარგლებში მოაწერენ.

2009 წელს ანკარაში რუსეთის პრემიერ-მინისტრ ვლადიმერ პუტინის მონაწილეობით. გაზის სფეროში თანამშრომლობის შესახებ სამთავრობოთშორისო პროტოკოლი გაფორმდა. პროტოკოლი გაზის კონტრაქტისთვის გადახედვის საშუალებას იძლეოდა.

თურქეთის საინფორმაციო საშუალებების ცნობით, დოკუმენტების შესაბამისად თურქული კომპანია Bოტას-ი "გაზპრომთან~ გაზის ფასის შემცირებაზე მოლაპარაკებების დაწყებას გეგმავდა.

ადრე "გაზპრომი" თავის კორპორატიულ გაზეთში იუწყებოდა, რომ წელს თურქეთისთვის 30 მლრდ კუბური მეტრი გაზის მიწოდება იგეგმება. 2009 წელს კი ეს მოცულობა 20 მლრდ კუბურ მეტრს შეადგენდა.

თურქეთი, იტალიისა და გერმანიის შემდეგ, რუსული გაზის მომხმარებლებს შორის მესამე ადგილს იკავებს. თურქეთისთვის მიწოდებული გაზის 62 პროცენტი რუსულია. რა ფასად მიეწოდება გაზი ანკარას, რუსული კონცერნი არ ახმაურებს.