რუსთავში ,,თავისუფალი დემოკრატების" ადგილობრივი ორგანიზაციის ოფისი გაიხსნა. ოფისის გახსნას ,,თავისუფალი დემოკრატების" ლიდერი ირაკლი ალასანია და ირაკლი ჩიქოვანი დაესწრნენ.
,,რუსთავში გვაქვს ადგილი, სადაც ჩვენს მოქალაქეებს შევხვდებით, გავაწევრიანებთ ჩვენს სტრუქტურაში და რაც მთავარია, ვიბრძოლებთ გამარჯვებისთვის 2016 წლის არჩევნებში. რუსთავში არის ძალიან ძლიერი გუნდი, ახალგაზრდა გუნდი, რომელიც დარწმუნებული ვარ, მთელ ქალაქს აამოძრავებს და საქართველოს მომავალი წარმატების სამსახურში დააყენებს.
"თავისუფალ დემოკრატებს" გვაქვს ეკონომიკური ხედვა, რომელიც შეძლებს ისეთი ეკონომიკური სიმძლავრე გააჩინოს რუსთავში, რომელიც დაასაქმებს რაც შეიძლება მეტ ადამიანს, გააჩენს შესაძლებლობას, რომ იყოს რესურსი ადგილზე, რომ მეტი ბაგა-ბაღი ქონდეს რუსთავს ადგილზე და რაც მთავარია, ღირსეულად მოვეპყროთ ჩვენს პენსიონერებს. ასევე გვაქვს დიდი გეგმები იმასთან დაკავშირებით, რომ უახლოესი ერთი წლის განმავლობაში, არ დაგვრჩეს არც ერთი უბანი და არც ერთი ოჯახი რუსთავში ყურადღების გარეშე და მათთვის ჩვენი ხედვის წარდგენის გარეშე", - განაცხადა ირაკლი ალასანიამ.
,,თავისუფალი დემოკრატების" რუსთავის ორგანიზაციას თეიმურაზ მენაფირე უხელმძღვანელებს, პარტიის ოფისი ქალაქის ცენტრში კოსტავას გამზირის #9-ში განთავსდა.