პრემიერ-მინისტრ ირაკლი ღარიბაშვილის განცხადებით, მთავრობას დღევანდელი მედიის პირობეში უჭირს ნებისმიერი თემის გაშუქება, ამიტომ მთავრობა ადგილზე ჩავა ყველა რეგიონში და თავად ჩააბარებს ხალხს ანგარიშს. მის შეფასებით, მედია მხოლოდ ნეგატივზეა ორიენტირებული.
,,სააკაშვილი გზის ერთ მონაკვეთზე დააყენებდა საკუთარ კამერებს, ტელევიზიებს, რომლებიც აბსოლუტურად, სრულად კონტროლდებოდა მის მიერ, ჯერ ერთი მხრიდან გადაიღებდნენ ამ გზას, იტყოდნენ, რომ ნახეთ რა მაგარი გზა გავაკეთეთ, შემდეგ, მეორე ხედით იღებდნენ და იტყოდა, რომ სხვა გზა გავაკეთეთო. ასეთი ტყული იყო დამკვიდრებული საქართველოში. ჩვენ ყოველგვარი გადაჭარბების გარეშე, ამ 3 წლის განმავლობაში დავაგეთ იმაზე მეტი გზა, ხიდი, ვიდრე სააკაშვილმა 9 წლის განმავლობაში. მაგრამ ჩვენ, მისგან განსხვავებით გზას, ხიდებს და ა.შ. არ ვხსნით სხვადასხვა ხედებით. ეს არის ჩვენი მთავრობის მუშაობის სტილი. ჩვენ გელაპარაკებით მხოლოდ სიმართლეს.
ჩვენი მედიის პირობებში არა თუ სხვადასხვა ხედებით გზის გაშუქება, არამედ ერთი გზის მონაკვეთის ან გზების, მაგისტრალების გაშუქებაც კი გვიჭირს, იმიტომ, რომ ამათ არ აინტერესებთ. ამათ აინტერესებთ, რომ დაგძაბონ მაქსიმალურად, მხოლოდ ნეგატივზე გააკეთონ აქცენტი. მაგრამ ჩვენ, ჩვენი მთავრობა პირადად ადგილზე ჩამოვალთ ყველგან და ადგილზე ჩაგაბარებთ ანგარიშს", - განაცხადა ირაკლი ღარიბაშვილმა საგარეჯოში, ამომრჩეველთან შეხვედრაზე.
