პრემიერ-მინისტრის ირაკლი ღარიბაშვილის განცხადებით, მთავრობის პრაგმატული პოლიტიკის შედეგად, უზრუნველყოფილია რუსეთთან მშვიდობა. საგარეჯოელ ამომრჩეველთან შეხვედრაზე პრემიერმა განაცხადა, რომ რუსეთის ბაზრის გახსნა, საშუალებას იძლევა გაძლიერდეს ქართული სოფელი.
,,მთავრობის პრაგმატული, გონიერი პოლიტიკის შედეგად გახსნეს რუსეთის ბაზარი. ჩვენ უზრუნველვყავით მშვიდობა, ჩვენ დავალაგეთ ის ქაოსი, ის დაძაბულობა, კონფლიქტი, რომელიც მუდამ ძაბავდა საქართველოს მოსახლეობას. სწორედ ეს არის ის სწორი პოლიტიკა, რომელიც ჩვენ მოგვცემს საშუალებას, რომ თქვენთან ერთად სოფელი გავაძლიეროთ", - აღნიშნა ირაკლი ღარიბაშვილმა.