ბრიტანეთის ყოფილი პრემიერ–მინისტრი ტონი ბლერი საქართველოს უახლოეს ხანებში ეწვევა. ამის შესახებ ირაკლი ღარიბაშვილისა და ტონი ბლერის მეუღლის, იურიდიული კომპანია “ომნია სტრატეჯის” ხელმძღვანელის, ჩერი ბლერის შეხვედრაზე ითქვა. საქართველოს პრემიერ–მინისტრმა ჩერი ბლერს მთავრობის ადმინისტრაციაში უმასპინძლა. მხარეებმა საუბარი არაოფიციალურ გარემოში ადმინისტრაციის ვერანდაზე განაგრძეს, საიდანაც თბილისის ხედები დაათვალიერეს. ჩერი ბლერი საქართველოში პირველად იმყოფება.
