ამერიკის შეერთებული შტატების პრეზიდენტმა ბარაკ ობამამ და უკრაინის პრეზიდენტმა პეტრო პორიშენკომ ნიუ-იორკში, დაუგეგმავი შეხვედრა გამართეს.
უკრაინული მედიის ინფორმაციით, პრეზიდენტებმა საკმაოდ დიდი ხანი ისაუბრეს, აშშ-ის პრეზიდენტის მიერ ორგანიზებული სამშვიდობო ოპერაციების სამიტის დასრულების შემდეგ.
პრეზიდენტების საუბრის კონკრეტული თემების შესახებ ინფორმაცია არ ვრცელდება, თუმცა უკრაინული მედია ყურადღებას ამახვილებს, რომ პრეზიდენტების საუბარი საკმაოდ დიდი დრო გაგრძელდა.
პეტრო პოროშენკოს ნიუ-იორკში ვიზიტის ფარგლებში დაგეგმილი აქვს შეხვედრა აშშ-ის ვიცეპრეზიდენტთან ჯოზეფ ბაიდენთან. შეხვედრის მთავარი თემები იქნება კონფლიქტი უკრაინაში, ქვეყანაში მიმდინარე რეფორმები და კორუფციასთან ბრძოლა.
პეტრო პოროშენკო ნიუ-იორკში გაეროს 70-ე გენასამბლეის ფარგლებში იმყოფება.
