შეერთებული შტატების პრეზიდენტი გაეროს გენერალურ ასამბლეაზე სიტყვით გამოვიდა. როგორც მოსალოდნელი იყო, ბარაქ ობამამ გამოსვლის ძირითადი ნაწილი მიგრანტთა თემას დაუთმო. თეთრი სახლის ლიდერმა მწუხარება გამოთქვა იმის გამო, რომ აფრიკასა და ახლო აღმოსავლეთში შეიარაღებული კონფლიქტების გამო 60 მილიონზე მეტი ადამიანი ლტოლვილად იქცა. ობამამ საერთაშორისო საზოგადოებას მიგრანტთა თანადგომისა და დახმარებისკენ მოუწოდა.
