გაერო-ს უშიშროების საბჭოს მუდმივი წევრების, განსაკუთრებით რუსეთის ვეტოს უფლება ისეთ საკითხებში, როგორიცაა მასობრივი მკვლელობები, ფაქტობრივად "მკვლელობის ლიცენზიას" წარმოადგენს - ამის შესახებ
უკრაინის პრეზიდენტმა პეტრო პოროშენკომ გაერო-ს გენერალურ ასამბლეაზე გამგზავრებამდე ჟურნალისტებთან განაცხადა. იგი ამასთანავე გაერო-ს რეფორმირების ინიციატივით გამოდის.
"ინიციატივა მდგომარეობს იმაში, რომ ჩვენ შევზღუდოთ მუდმივი წევრების უფლება ვეტოს გამოყენებაზე ისეთ საკითხებში, როგორიცაა ადამიანების მასობრივი მკვლელობა", - განაცხადა პოროშენკომ.
მისივე თქმით, გაერო-მ გლობალური უსაფრთხოების უზრუნველყოფის თვალსაზრისით, თავისი როლი უნდა დაიბრუნოს ან უსაფრთხოების ახალი მექანიზმები შეიქმნას. პოროშენკოს ინფორმაციით, ამ პოზიციას გაერო-ს წევრი ქვეყნების დიდი ნაწილი იზიარებს.
