სახალხო დამცველის რეკომენდაციას სასჯელაღსრულების მე-7 საპყრობილის დახურვის შესახებ პარლამენტის ადამიანის უფლებათა დაცვის კომიტეტის ხელმძღვანელი გამოეხმაურა. ეკა ბესელიას განცხადებით, პრობლემის გადასაჭრელად მომავალი წლის ბიუჯეტის განხილვისას იქნება მსჯელობა.
„საჭიროა ახალი დაწესებულების გახსნა იმისთვის, რომ დაიხუროს ეს დაწესებულება. ჩვენ ვიმუშავებთ. მომავალი წლის ბიუჯეტი როდესაც შემოვა კომიტეტში და პარლამენტში, რომ აქ იყოს გათვალისწინებული საბიუჯეტო რესურსი, რომლითაც შეეძლება სასჯელაღსრულების დაწესებულებას ამ რეკომენდაციის გათვალისწინება. ეს პირდაპირ უკავშირდება ფინანსურ საკითხებს“, - განაცხადა ბესელიამ.
სახალხო დამცველის ანგარიშის მიხედვით მე-7 საპყრობილე არ აკმაყოფილებს საცხოვრებელი პირობების მინიმალურ მოთხოვნებს, მსჯავრდებულები ვერ იღებენ სამედიცინო მომსახურებას, შენობა კი ამორტიზებულიცაა. ომბუცმენის ანგარიშს უპასუხეს ადამიანის უფლებათა დაცვის კომიტეტში.
