აბსოლუტური ტყუილია, რომ თითქოს, კახეთში ხალხს უნდა რუსეთისკენ გახედვა, - ამის შესახებ ,,თავისუფალი დემოკრატების” ლიდერმა ირაკლი ალასანიამ ,,კურიერში” სტუმრობისას, კახეთში მიმდინარე მევენახეების საპროტესტო აქციაზე საუბრისას განაცხადა.
,,აბსოლუტური ტყუილია და იყენებს ამას ზოგიერთი პოლიტიკური ძალა თუ სხვები, რომ თითქოს კახეთში ხალხს უნდა რუსეთისკენ გახედვა. არის გარკვეული სეგმენტი საზოგადოების, რომელიც ასე ფიქრობს, მაგრამ ვიცნობ რა ჩვენი საზოგადოების უმრავლესობისა და მისი ყველაზე პროგრესული ნაწილის, ახალგაზრდების, სულისკვეთებას, ეს გამორიცხულია”, - განაცხადა ალასანიამ.
გურჯაანელი მევენახეები ხელისუფლების გადაწყვეტილებას 14 სექტემბრის 12:00 საათამდედაელოდებიან - ასეთი გადაწყვეტილება მიიღეს გურჯაანში საპროტესტო აქციის მინაწილე მევენახეებმა. მათი განცხადებით, დაელოდებიან პარლამენტის დარგობრივი ეკონომიკისა და აგრარულ საკითხთა კომიტეტების გადაწყვეტილებას ყურძნის ჩაბარების ფასთან დაკავშირებით, რის შემდეგაც გადაწყდება გაგრძელდება თუ არა საპროტესტო აქციები.
