აშშ-მ „ისლამური სახელმწიფოს“ მებრძოლთა ერთ-ერთი სამეთაურო ბაზა გაანადგურა, - ამის შესახებ აშშ-ის სამხედრო უწყება იუწყება.
აშშ-ის სამხედრო უწყების ცნობით, აშშ-ის სარდლობით მოქმედი კოალიციის ავიაციამ საავიაციო დარტყმით ერაყის ქალაქ რამადის მახლობლად ექსტრემისტული ორგანიზაცია „ისლამური სახელმწიფოს“ მებრძოლთა ერთ-ერთი სამეთაურო ბაზა გაანადგურა. გაერთიანებული სწრაფი რეაგირების ძალების მიერ 9 სექტემბერს გაკეთებულ განცხადებაში ნათქვამია, რომ ერაყის ამ წერტილში მდებარე ბაზიდან ექსტრემისტები იარაღით მარაგდებოდნენ.
კოალიციის სამხედრო ოპერაციაში ერაყის არმიასთან ერთად შიიტური სახალხო ლაშქარი და სუნიტი მოხალისეებიც მონაწილეობდნენ.
