"ბოლო ხუთი წლის განმავლობაში ვითარება ადამიანის უფლებების დაცვის კუთხით მნიშვნელოვნად გამოსწორდა", - ამის შესახებ ნათქვამია "გაზეთ "24 საათში" გამოქვეყნებულ საქართველოს შინაგან საქმეთა მინისტრის ვანო მერაბიშვილის წერილში.
შს მინისტრის შეფასებით, მიუხედავად იმისა, რომ ბოლო წლების განმავლობაში ადამიანის უფლებათა დაცვის კუთხით ქვეყანაში ბერი რამ გამოსწორდა, ევროპულ სტანდარტებამდე მისაღწევად "გასაკეთებელია კიდევ ბევრია".
ამასთან, მერაბიშვილის პოლიციის მიერ უცხო ენის შესწავლის აუცილებლობაზეც საუბრობს და აცხადებს, რომ ამ კუთხით სამინისტრო აქტიურ მუშაობას ეწევა.
"პოლიციელების პროფესიონალიზმის ზრდისთვის უკვე აუცილებელი ხდება უცხო ენის ცოდნა, განსაკუთრებით კი ინგლისური ენის, რომ საქართველოში ჩამოსულ უცხოელ სტუმრებთან კონტაქტი შესძლონ. ამასთან, დაბეჯითებით შეგვიძლია ვთქვათ, რომ საქართველოში ტურისტები დღეს ბევრად უფრო დაცულები არიან ვიდრე ოდესმე", - აღნიშნა მინისტრმა.
