გიორგი ანწუხელიძე გარკვეულწილად საქართველოს სიმბოლოც არის, - ამის შესახებ "თავისუფალი დემოკრატების" ლიდერმა ირაკლი ალასანიამ ჟურნალისტებს მუხათგვერდის ძმათა სასაფლაოზე, ეროვნული გმირის საფლავთან განუცხადა.
"მისი ქმედება, ნაბიჯი, საქართველოსთვის, ყველა ქართველისთვის არის სამაგალითო, ასეთი გმირი გვყავს ძალიან ბევრი, სხვადასხვა ომებში საბრძოლო გამოცდილების მატარებელი. აქედან გამომდინარე, ძალიან სწორი გადაწყვეტილება მივიღეთ, როდესაც ჩვენ სერჟანტთა სკოლას მისი სახელი ვუწოდეთ და ახლა სერჟანტები, რომლებიც ამთავრებენ ამ სკოლას, სიამაყით ატარებენ სერჟანტის სახელს, რადგან სკოლა არის გიორგი ანწუხელიძის სახელობის", - განაცხადა ირაკლი ალასანიამ.
2008 წლის ეროვნული გმირი, გიორგი ანწუზელიძე დღეს 31 წლის გახდებოდა. ამ თარიღთან დაკავშირებით, მუხათგვერდის ძმათა სასაფლაოზე ირაკლი ალასანიასთან ერთად მისი თანაგუნდელი ვიქტორ დოლიძეც იმყოფებოდა.
