ეკონომიკის საკითხებში ექსპერტი დემურ გიორხელიძე ”საქსტატის” მონაცემებს ინვესტიციების ზრდასთან დაკავშირებით ცარიელ ციფრებად მიიჩნევს იმ ფონზე, როდესაც ქვეყანაში სავალუტო კრიზისია.
მისი თქმით, ქვეყანაში ლარის დევალვაცია მიანიშნებს იმაზე, რომ 2014 წელს შემოსული ინვესტიციები ოდენობა არ არის საკმარისი და მხოლოდ შიშველი სტატისტიკით ოპერირება მთავრობისთვის სახარბიელოდ არ ჩაივლის.
დემურ გიორხელიძის აზრით, მთავარი შედეგია, შედეგი კი ქვეყანაში მძიმეა.
”დღევანდელ პირობებში, ისეთ ქვეყანაში, როგორიც საქართველოა ინვესტიციები შიდა პროდუქტების 20- 25 % მაინც უნდა შეადგენდეს. ”საქსტატის” ამ მაჩვენებელს კი აქამდე ძალიან ბევრი უკლია. ამიტომ მხოლოდ შიშველი სტატისტიკით ოპერირება მთავრობისთვის არამგონია მომგებიანი იყოს”, _ აცხადებს ექსპერტი ეკონომიკის საკითხებში დემურ გიორხელიძე.