ზვიად სიჭინავა არ გადამდგარა და ის ახალი პრეზიდენტის არჩევამდე პოსტზე რჩება. ამის შესახებ ფეხბურთის ფედერაციის გენერალურმა მდივანმა რეზი არველაძემ განაცხადა.
არველაძის თქმით, ზვიად სიჭინავა განაწყენებულია იმ დამოკიდებულების გამო, რომელიც მის მიმართ სახელისუფლებო წრეებიდან ისმოდა.
"ადამიანი გულდაწყვეტილია, რადგან 6 წელიწადი მაქსიმალურად თავისი შესაძლებლობები მთლიანად მიუძღვნა თავის საქმეს. როდესაც მის და საერთოდ ფედერაციის მიმართ იყო არასწორი და არაადეკვატური შეფასებები, რა თქმა უნდა, ეს გულსატკენია," - განმარტა რეზი არველაძემ.
შეგახსენებთ, რომ განცხადება თანამდებობიდან წასვლის შესახებ ზვიად სიჭინავამ უეფას სუპერთასის მატჩის დასრულების შემდეგაკეთა.
