პარლამენტის საფინანსო საბიუჯეტო კომიტეტის თავმჯდომარე თამაზ მეჭიაური მიიჩნევს, რომ სებ-ის შესახებ კანონპროექტზე პრეზიდენტის ვეტოს დაძლევის შემდეგ, მისი საკონსტიტუციო სასამართლოში გასაჩივრება, ლარის გაუფასურებას და ხალხის უკმაყოფილების გაზრდას ემსახურება.
”ზოგიერთები ცდილობენ ქვეყნის წინააღმდეგ წასვლას. შეიძლება კანონის ფარგლებში, მაგარამ არამართლზომიერ მოქმედებაზეა საუბარი. არის მუქარები იმისა, რომ ვეტოს დაძლევის შემთხვევაში, საკონსტიტუციო სასამართლოში იქნება შეტანილი სარჩელი და ეს პროცესი გაიწელება დიდხანს. ამას გამოიყენებენ იმისთვის, რომ ლარის კურსი გაუფასურდეს და უკმაყოფილება გაზარდონ ხალხში”, - განაცხადა მეჭიაურმა.
მისი ინფორმაციით, შეიქმნება სააგენტო, რომელიც ლარის გაუფასურებასთან დაკავშირებით მიმდინარე პროცესებს გამჭირვალეს გახდის.
” მინდა ვუთხრა ყველა ფინანსურ ინსტიტუტს, რომლებიც შეიძლება ნებსით, თუ უნებლიედ ამ პროვოკაციაში არიან ჩათრეულნი, ყოველივე ამას ძალიან მალე შევისწავლით და ვნახავთ. შეიქმნება სააგენტო, რომლისთვისაც ეს პროცესები იქნება გამჭვირვალე და შეუქმნიან თავის თავს დისკომფორტს”, - აცხადებს დეპუტატი.
შეგახსენებთ, სებ-ის შესახებ კანონპროექტზე საკონსტიტუციო სარჩელს ,,თავისუფალი დემოკრატები” ამზადებენ. ,,ნაციონალური მოძრაობაში” კი აცხადებს, რომ აღნიშნული საკონსტიტუციო სარჩელი მათ მიერ იქნება შეტანილი.
