ჩვენს არჩეულ გზას რუსეთის პროვოკაციები ვერ გააჩერებს, - ამის შესახებ თავდაცვის მინისტრმა სოფელ თამარაშენში ე.წ. საზღვრის აღმნიშვნელი ბანერების დამონტაჟების ახალი შემთხვევების შეფასებისას განაცხადა.
თინა ხიდაშელიმა ასევე აღნიშნა, რომ რაც დღეს საოკუპაციო ხაზის გასწვრივ ხდება, ადამიანების ბედს ეხება და სამწუხარო რეალობაა, მაგრამ საქართველოს გაცილებით უფრო დიდი მიზანი აქვს.
„ჩვენი არჩევანია, რომ ან უნდა ავყვეთ ამას, ან უნდა ვთქვათ, რომ ჩვენ ჩვენს არჩეულ გზას მივყვებით და ამას პროვოკაციები ვერ გააჩერებს. რუსეთის ამოცანაა, გაგვაჩეროს. ჩვენი ამოცანაა ნატო-სა და ევროკავშირისკენ დაბრკოლებების გარეშე ვიაროთ“, - აღნიშნა მინისტრმა.
შეგახსენებთ, 10 აგვისტოს, რუსეთის საოკუპაციო ძალებმა ქარელის რაიონის სოფელ თამარაშენისა და ცერონისის მიმდებარე ტერიტორიაზე ე.წ. საზღვრის აღმნიშვნელი ბანერები დაამონტაჟეს, რის შედეგადაც რამდენიმე ადგილობრივი მოსახლის სასოფლო სამეურნეო სავარგული ბანერს მიღმა მოექცა.
