ბათუმში სანიაღვრე არხის რეაბილიტაცია მიმდინარეობს. ბათუმის მერიის ინფორმაციით, აღმაშენებლისა და გენერალ აბაშიძის, ასევე აღმაშენებლისა და ტბელ აბუსერიძის ქუჩებს შორის მონაკვეთზე, ასევე, მიმდებარე ტერიტორიაზე სანიაღვრე და საკანალიზაციო სისტემების რეაბილიტაცია მიმდინარეობს.
სამუშაოების 60% უკვე შესრულებულია. ამ ეტაპზე მიმდინარეობს სანიაღვრე და საკანალიზაციო ჭების მოწყობისა და მილების ჩალაგების სამუშაოები ქეთევან წამებულის ქუჩაზე. სარეაბილიტაციო სამუშაოები მიმდინარე წლის 6 აპრილს დაიწყო და 5 ნოემბრისთვის უნდა დასრულდეს. სამუშაოებს ტენდერში გამარჯვებული კომპანია ,,არნაბი“ ასრულებს. ღირებულება - 2 მილიონ 622 ლარია.
